Համայն Քրիստոնեայ Աշխարհի և Հայ ժողովուրդի համար, Ս. Ծննդեան և Աստուածայայտնութեան
տօները իւրայատուկ նշանակութիւն ունին: Քրիստոսի Ծնունդը Աւետիսն է Սիրոյ, Խաղաղութեան
և Արդարութեան: Այս առթիւ, Զմմառու պատմական վանքին մէջ տեղի պիտի ունենան հետեւեալ
հոգեպարար արարողութիւնները. • Երեքշաբթի, 17 և Ուրբաթ, 20 Դեկտեմբեր 2013ի երեկոյեան
ժամը 8:15ին, Աւետարանական սերտողութիւններ պիտի կատարուին վանքի Մայր Տաճարին մէջ, մասնակցութեամբ
վանքիս հոգեւոր հայրերուն եւ դպրեվանքի ուսանողներուն: Աւետարանական սերտողութեան
նիւթ՝ Քրիստոսի Սուրբ Ծնունդը: • Կիրակի, 22 Դեկտեմբեր 2013ի երեկոյեան ժամը 6:00ին,
Ս. Ծննդեան Տօնին առթիւ, վանքի Մայր Տաճարին մէջ տեղի պիտի ունենայ «Պլպուլ» երգչախումբի համերգը,
ղեկավարութեամբ՝ Մաէսթրօ Մանուէլ Սրկ. Քէշիշեանի: • Երեքշաբթի 24 Դեկտեմբեր 2013ի
երեկոյեան ժամը 5:00-ին, Ս. Ծննդեան Ճրագալոյցի առիթով, վանքիս Մայր Տաճարէն ներս
պիտի կատարուի մարգարէութեանց ընթերցումներ, ապա Ս. Պատարագ եւ Ս. Մսուրի օրհնութիւն: •
Չորեքշաբթի, 25 Դեկտեմբեր 2013ի առաւօտեան ժամը 8:00ին եւ 10:30ին, Ս. Ծննդեան Տօնին
առիթով հանդիսաւոր Ս. Պատարագ պիտի մատուցուի վանքիս Մայր Տաճարին մէջ, որմէ ետք վանքիս
դահլիճէն ներս պիտի ընդունուին հաւատացեալներու շնորհաւորութիւնները: Այսու գրով՝
մեր հաւատացեալ ժողովուրդը կը հրաւիրենք ներկայ գտնուելու Ս. Ծննդեան հանդիսութեանց,
արժանանալով Ս. Ծննդեան Մեծ և Սքանչելի Խորհուրդի Օրհնութեան: